Azərbaycan Avropa Oyunlarında 2-ci yeri tutdu

Bakıda keçirilən Avropa Oyunlarında bütün yarışlar başa çatdı.

Trend-in məlumatına görə, Azərbaycan medal siyahısında 21 qızıl medalla 2-ci yeri tutdu. Ümumilikdə idmançılarımız I Avropa Oyunlarında 56 medal (21 qızıl, 15 gümüş, 20 bürünc) qazandılar.

Siyahının lideri Rusiyadır – 79 qızıl, 40 gümüş, 45 bürünc medal.

Böyük Britaniya isə 18 qızılla ilk üçlüyü tamamlayır.

Ümumilikdə 42 ölkə medalçılar sırasına düşə bilib.

Qeyd edək ki, ilk Avropa Oyunları 12-28 iyun tarixlərində Bakıda keçirilib.